Mae Taith yn ymroddedig i gefnogi unigolion a sefydliadau i ddatblygu eu gallu i wella'n barhaus. Mae hyn yn seiliedig ar ddulliau a phrosesau sy'n cynnwys yr holl hapddalwyr allweddol ac sydd â chanlyniadau mesuradwy i'r cwsmer. O ganlyniad, ceir gwell effeithiolrwydd ac effeithlonrwydd yn seiliedig ar gynlluniau gweithredu ar y cyd y mae'r sefydliad cyfan yn 'meddu' arnynt. Mae'r mwyafrif o'n gwaith yn deillio o argymhelliad personol ac rydym wedi ennill enw da am gynnig gwasanaethau sy'n ddibynadwy ac yn effeithiol. Gallwn weithio mewn dull hynod o hyblyg ac ymatebol er mwyn cwrdd ag anghenion ein cwsmeriaid.

Mae ein gwaith wedi'i seilio ar nifer fechan o dybiaethau:

• Mae prosesau datblygiadol yn gweithio'n well pan fo'r holl hapddalwyr allweddol yn cymryd rhan;
• Mae gan bobl, grwpiau a sefydliadau gryfderau ac 'asedau' y gellir eu defnyddio a'u datblygu;
• Mae pobl yn dymuno gwneud gwahaniaeth cadarnhaol a bod yn rhan o unrhyw ddatrysiad;
• Mae sefydliadau'n symud i gyfeiriad yr hyn maent yn ei astudio;
• Rhaid i bawb fod yn 'berchennog' ar gynlluniau gweithredu er mwyn gwneud y mwyaf o gynaliadwyedd.

Ym mhob agwedd o'n gwaith rydym yn sicrhau ein bod yn:

• cytuno cylch gorchwyl eglur ac yn adolygu hwn yn rheolaidd
• gweithio o sail foesegol wedi'i seilio ar barchu, gwerthfawrogi a gwrando ar bawb yr ydym yn gweithio â hwy
• darparu ymgynghorwyr sydd â phrofiad sylweddol
• ffocysu ar ganlyniadau go iawn sy'n canolbwyntio ar gryfderau presennol
• sicrhau bod cynaliadwyedd wrth galon pob prosiect

Mae Roger yn gweithio gyda nifer o bartneriaid eraill sy'n darparu ystod eang o wasanaethau, yn bennaf o fewn y sectorau gofal, addysg a thai. Mae hyn yn cynnwys ymchwilio, hyfforddi, adolygu gwasanaethau, gwaith person ganolog, ac ymchwil. I ddarganfod mwy am Roger a'r bobl eraill sy'n gweithio gyda Taith cliciwch yma

I ddarganfod mwy am y gwasanaethau rydym yn eu cynnig cliciwch yma neu i glywed yr hyn sydd gan ein cleientiaid i'w ddweud amdanom cliciwch yma