Mae technoleg Gofod Agored a Chaffi'r Byd yn ddulliau profedig o weithio'n agos mewn grwpiau bach a mawr. Gellir eu defnyddio mewn unrhyw ddigwyddiad ble mae angen cyfeirio at broblem go iawn. Gall hyn gynnwys digwyddiadau ymgynghori ble mae dymuniad dilys i ddarganfod beth yw barnau a dyheadau pobl.

Proses arloesol ond syml yw Caffi'r Byd i lywyddu trafodaethau am gwestiynau o bwys. Mae'r trafodaethau hyn yn cysylltu ac yn adeiladu ar ei gilydd wrth i bobl symud rhwng grwpiau i rannu syniadau a chael dealltwriaeth o'r newydd o'r cwestiynau neu'r materion pwysicaf yn eu bywydau, eu gwaith neu eu cymunedau. Mae Caffi'r Byd yn broses sy'n cynyddu gallu pobl i weithredu'n effeithiol er mwyn cwrdd â nodau cyffredin.

Mae Technoleg Gofod Agored yn ddull y gellir ei raddio a'i addasu i gyfeirio at faterion 'busnes' go iawn. Mae'n ymagwedd radical, ond hynod effeithiol sy'n caniatáu i gyfranogwyr osod yr agenda(u) yn seiliedig ar thema ganolog sydd wedi'i diffinio o flaen llaw. O ganlyniad i'r ymagwedd hyblyg yma, y prif gryfder yw'r gallu i ddod i ddeall gwir ddiddordebau ac awch pob person. Mae'n gweithio pan nad yw'r atebion na'r canlyniadau wedi'u diffinio o flaen llaw. Nid yw'n gweithio pan fo'r atebion gan y trefnydd yn barod.

Gellir defnyddio Gofod Agored a Chaffi'r Byd mewn nifer o ffyrdd i adfywio prosesau traddodiadol, sy'n cynnwys:

• Cynadleddau i staff ac aelodau
• Digwyddiadau ymgynghorol i gwsmeriaid a defnyddwyr gwasanaeth
• Digwyddiadau cynllunio busnes
• Ymgynghori â'r gymuned
• Prosesau hunan werthuso
• Adolygiadau gwasanaeth